Rusiyanın paytaxtı Moskvada FSB-nin (Federal Təhlükəsizlik Xidməti) 3 əməkdaşı qədim Alman mətbəəçi İohan Quttenberqin çap etdiyi ilk tarixi İncil kitabını satarkən tutulub.

Axar.az xəbər verir ki, kəşfiyyatçı zabitlər kitabı 40 milyon (1 milyon 144 min dollar) rubla satmağa cəhd edib. Rus mətbuatı 2 dəridən ibarət olan müqəddəs kitabın bazar qiymətinin 15 milyon dollar olduğunu bildirir.

Qeyd edək ki, rus mətbuatı kitabın Moskva Dövlət Universitetində xüsusi qorunan otaqda saxlanıldığını bildirir.

Verilən xəbərlərə görə, saxlanılan FSB polkovniki S.V. istintaqa verdiyi ifadəsində 2009-cu ildə universitetdə gizli bir otağın olduğunu və bu otaqda dünyanın ən qədim və bahalı kitablarının saxlanıldığını öyrəndiyini bildirib.
Xatırladaq ki, oğurlanan kitab 15-ci əsrə aiddir və Avropada çap olunan ilk İncil kitabıdır. İncilin II Dünya müharibəsindən sonra Sovet Ordusu tərəfindən Almaniyadan Rusiyaya gətirildiyi iddia olunur.