Misirin yeni prezidenti general Sisinin andiçmə mərasiminə bir sıra ölkələrin çağırılmaması təəccüb doğurub.

Axar.az xəbər verir ki, bu ayın 9-da Qahirədə keçiriləcək olan mərasimə gözlənilmədən İran dəvət alıb. Ancaq andiçmə mərasimində İran prezidenti Həsən Ruhani iştirak etməyəcək. Beləki, həmin tarixdə Ruhani Türkiyədə səfərdə olacaq.

Qahirədə keçiriləcək mərasimə isə İsrail, Türkiyə, Qatar və Suriyanın adının daxil edilməməsi marağa səbəb olub.

"Haaretz" qəzeti İsrailin andiçmə mərasiminə çağırılmamasının gözlənildiyini, ancaq Türkiyənin də dəvət edilməməsinin səbəbləri olduğunu açıqlayıb.

Qəzet bunları qeyd edib:

"Sisi Ərdoğandan nifrət edir, çünki Türkiyə Baş naziri hələ Misirin yeni hökumətini tanımaq istəmir. Həmçinin Ərdoğan son bir ildir ki, Misir ordusunun hökumətə əl qoymasını və Müsəlman Qardaşlarına qarşı aparılan kampaniyanı sərt dillə tənqid edib".