Rusiya Prezidenti Vladimir Putinin xələfi qadın ola bilər.

Axar.az xəbər verir ki, "Vedmosti" qəzeti 2018-ci il prezident seçkilərində qadın namizədlərin də ola biləcəyini bəyan edib.

Qəzet iddia edir ki, seçkilərdə 5-6 qadın namizəd olacaq və onlardan 3-ü Rusiya Ədalət Partiyasının üzvü olacaq. Həmin namizədlər Rusiyanın Sosial Demokrat Qadınlar Birliyinin sədri Natalya Velikaya, Milli Valideynlər Komitəsinin rəhbəri İrina Volinets və partiyanın mərkəzi şurasının üzvü İrina Peteleyevadir.

Başqa bir mənbə də Kseniya Sobçakın ideal namizəd ola biləcəyini, müasir gənc qadın obrazının siyasətdə yer almasının daha uyğun ola biləcəyini söyləyib.