Türkiyə ilə İran arasında Suriya problemi ilə bağlı yaranan gərginlik iki ölkə liderinin iştirakı ilə müzakirə ediləcək.

Axar.az xəbər verir ki, Türkiyə və İran arasında Suriya məsələsinin müzakirəsi son dövrlər üçün bir ilk olacaq.

Türkiyə-İran Yüksək Səviyyəli Strateji Əməkdaşlıq Şurasının birinci konfransında Baş nazir Rəcəb Tayyib Ərdoğan ilə İran prezidenti Həsən Ruhani Suriya müharibəsi və bir sıra məsələləri müzakirəyə çıxaracaq.

Qeyd edək ki, İran prezidenti Həsən Ruhaninin Türkiyəyə səfəri iki gün sonra başlayır. Ruhaninin Türkiyəyə səfəri 2011-ci ildən bu yana prezident səviyyəsində ilk ziyarət olacaq.