İsrail Baş naziri Netanyahu Misirin yeni prezidenti Əl Sisidən Kemp-Devid sazişinə sadiq qalmasını istəyib.

Axar.az xəbər verir ki, bu barədə Netanyahu Tvitter hesabında yazıb.

Netanyahu Tvitter hesabında Sisiylə telefon danışığı apardığını, onu Misirin prezidenti seçildiyi üçün təbrik etdiyini, həmçinin Misir-İsrail əlaqələrinin əhəmiyyətini qeyd edib.

Netanyahu Misirlə İsrail arasında olan Kemp-Devid sazişinin əhəmiyyətindən də söz açaraq, mövcud vəziyyətin qorunub saxlanılmasının vacib olduğunu bildirib.

Qeyd edək ki, Misirin sabiq prezidenti Hüsni Mübarəkin prezidentliyi dövründən bu yana ilk dəfə Misir və İsrail səlahiyyətliləri belə bir görüş reallaşdırıblar.