Ana səhifə Planet |
Polşanın Xarici İşlər naziri Radoslav Sikorski Ukrayna hadisələrini və NATO-Rusiya münasibətlərini təhlil edib.
Onun sözlərinə görə, Rusiya silahlı qüvvələri ilə müqayisədə Alyans hərbi birləşmələri 16 dəfə güclüdür:
"Rusiyanın daxilində ciddi problemlər var və daha yaxşı olardı ki, Kreml bütün gücünü, enerjisini bu nöqsanların aradan qalxmasına sərf edərdi".
Sikorski təəssüflə bildirib ki, Rusiya qarşıdurma mövqeyini tutub. Amma keçənlərdə olduğu kimi, yenə də məğlub olacaq:
"Məsələn, Avropa Birliyi-Rusiya güc nisbəti müqayisə olunsa, bu, 8:1-ə, NATO ilə müqayisə olunsa, bu rəqəm 16:1 həddində olacaq. Əlbəttə, biz istərdik ki, Rusiya düşmən deyil, Qərblə əməkdaşlıq edə də bilər. Amma nə etmək olar - Rusiya böyük bir dövlətdir və harda olmaq seçimində də azaddır".
Xatırladaq ki, iyunun 7-də Sikorski demişdi ki, Putin Ukraynadakı demokratik dəyişiklikləri ölkəsinə təhlükə mənbəyi sayır.
Tarix
2014.06.09 / 00:09
|
Müəllif
Elnur Elmanoğlu
|