Bundan sonra İngiltərədə də aksiyalar zamanı TOMA istifadə edilə biləcək.

Axar.az xəbər verir ki, Londonda polisin aksiyalarda istifadə etməsi üçün üç ədəd ictimai hadisələrə müdaxilə vasitəsi (TOMA) alışı təsdiq edilib.

London Bələdiyyə başqan köməkçisi Stefen Qrinhalf müdaxilə vasitələrinin Alman federal polisindən satın alınacağını və hər TOMA üçün 30 min sterlinq ödəyəcəyini açıqlayıb. Daxili İşlər Nazirliyi də belə açıqlama verib: "Polisin küçələrdə nizam-intizamı təmin edə bilməsi üçün lazımlı vasitələrə sahib olmasını istəyirik".

TOMA-lar İngiltərə və Qallerdə Daxili İşlər Nazirliyinin icazəsi olmadan istifadə edilə bilməyəcək. İngilis polisi etirazlarda təzyiqli su istifadə edə bilmək üçün keçən ilin sonunda Daxili İşlər Nazirliyindən icazə istəmişdi.

Xatırladaq ki, Şimali İrlandiyada təzyiqli su istifadəsinə icazə verilsə də Birləşmiş Krallığın geri qalan başqa ölkələrində təşkil edilən aksiyalarda polis təzyiqli su istifadə edə bilmirdi.