Britaniyalı ifaçı Beynəlxalq Kosmik Stansiyaya uçuş reallaşdıracaq.

Axar.az xəbər verir ki, Sara Braytman Beynəlxalq Kosmik stansiyaya uçuşa görə 10 gün müddətinə 52 milyon dollar ödəyəcək. Bu barədə kosmik turistlərin səyahət edilməsi ilə məşğul olan şirkətin prezidenti Tom Şelli məlumat yayıb.

Sara Braytman 2015-ci ilin sentyabr ayında uçuşu reallaşdırmaq istəyir və artıq payızda kosmonavtların hazırlıq təlimlərinin keçirilməsini həyata keçirən Moskva yaxınlığındakı mərkəzi ziyarət edəcək.

Qeyd edək ki, Sara Braytman professional ifaçılar arasında kosmosa gedən ilk ifaçı kimi tarixə düşmək və orada hər hansı kompozisiyasını ifa etmək istəyir.