Rusiya iyunun 11-də özünün strateji bombardmançılarını Kalininqrad vilayətinə göndərib.

Axar.az xəbər verir ki, Rusiya Müdafiə Nazirliyinin mətbuat xidmətinin yaydığı məlumatda bombardmançıların Rusiya sərhədlərini və Baltik dənizi akvatoriyasında dəniz kommunikasiyalarını qorumaq üçün keçirilən hərbi təlimlərdə iştirak edəcəyi bildirilib.

"Su-27 qırıcıları, Su-34 qırıcı-bombardmançıları və Su-24MP kəşfiyyat təyyarələri təlim rayonunda uzaq radiolokasiyanı təyin edən A-50 təyyarələri ilə gücləndirilib. Hava patrulunun yerinə yetirilməsi üçün rayonda Tu-22M3 bombardmançıları da yerləşdirilib" – deyə mətbuat xidmətindən bildirilib.

Qeyd edək ki, Rusiya ordusunun Kalininqraddakı hərbi təlimləri NATO-nun Baltikyanı dövlətlərin ərazisində keçirdiyi Saber Stike-2014 və "Baltops-2014" təlimləri ilə eyni vaxtda başlayıb.