Avropa Birliyi və Türkiyə 5 min müsəlmanın Suriyada Bəşər Əsədə qarşı savaşa qatılmalarının qarşısını almaq üçün maneələr törətməyə hazırlaşır.

Axar.az xəbər verir ki, AB Avropadan Suriyaya gedərək Əsədə qarşı müxaliflərlə birlikdə döyüşmək istəyənlərdən ibarət bir siyahı hazırlayıb. AB 5 min müsəlmanın Suriyaya daxil olmasının qarşısını almaq üçün Türkiyə ilə ortaq iş görmək istəyir.

Avropa ölkələrinin kəşfiyyat təşkilatları haqqında danışılan şəxslərin Suriyada Əl Qaidə kimi qruplara qatılmasından ehtiyat edir. Siyahıdakı şəxslərin çoxu Avropadan Türkiyəyə keçdiyi üçün, bu kəslərin Suriyaya girişinə maneə olmaqdan ötrü siyahının Türkiyəyə verildiyi bildirilir.

Avropadan və ABŞ-dan gedərək hələ də Suriyada döyüşən müsəlmanların sayının 2-3 min olduğu güman edilir. Avropa və ABŞ kəşfiyyat təşkilatları bu şəxslərin geri döndüklərində terror törədə biləcəklərindən qorxur.