Mosul Baş konsulluğuna hücum edib 49 türkü girov götürən İŞİD yaraqlılarının konsulluqdakı türk bayrağını endirdikləri bəlli olub.

Axar.az xəbər verir ki, İŞİD basqının ikinci günü (dünən) türk konsulluğunun qarşısından keçən iraqlı şahid İŞİD yaraqlılarının konsulluğun qapılarını açdıqlarını və içəriyə yataqlar sərdiklərini bildirib.

Şahid bayrağın asıldığı dirəyin boş olduğunu da qeyd edib. İraqlı şahid həmçinin içəridəki İŞİD yaraqlılarının bəzilərinin konsulluqdakı türk xüsusi xidmət işçilərinin binada qoyduqları paltarları geyindiyini də qeyd edib. Bu məlumatları verən şahidə görə, İŞİD konsulluq avtomobillərini yandırmayıb, nəzarət altında saxlayır.