ABŞ Federal Təhqiqatlar Bürosu (FBİ) Gülən camaatının qurduğu "Konsept Məktəb"lərinə silsilə basqın təşkil edib.

Axar.az xəbər verir ki, Ohio ştatında nəşr olunan "Bikon Jurnal" qəzetinin yaydığı məlumata görə, keçən həftə mərkəzi Çikaqoda yerləşən "Konsept Məktəb"a aid Ohio, İndiana və İllionisdəki ümumi 19 məktəbə basqın təşkil edilib və məktəblərin sənədləri FTB tərəfindən götürülüb.

Məktəbləri axtarış icazəsi ABŞ Təhsil Nazirliyi tərəfindən çıxarılıb.

Xatırladaq ki, 19-u Ohio ştatında olmaqla ABŞ-ın 26 ştatında 140 məktəbi olan "Konsept Məktəb"lərin bir çox məktəbi təhsil sisteminə uyğun olaraq ABŞ dövləti tərəfindən maliyyələşdirilir. Buna görə də məktəblərdə çalışan xarici müəllimlərin (türklərin) maaş və xərclərinin cəmiyyət fondlarından istifadə edilərək ödənilməsi ABŞ qanunlarına ziddir.