Donbas və Luqansk vilayəti sakinlərinin üzünə humanitar koridor açıq elan edilib.

Axar.az xəbər verir ki, bu barədə "5-ci kanal"da çıxışı zamanı anti-terror əməliyyatları mərkəzinin mətbuat katibi Aleksey Lebed məlumat verib. Onun sözlərinə görə, artıq blok-postlarda qaynar nöqtələri tərk edən şəxslərin avtomobilləri yoxlanmağa, kimlikləri müəyyənləşməyə başlayıb. Lebed deyib ki, terror aktlarında şübhəli bilinməyən şəxslər, ailələr ukraynalı hərbçilərin müşayiəti ilə ən təhlükəsiz ərazilərə gətirilirlər. Kişilər daha çox yoxlanılırlar.

Xatırladaq ki, genişmiqyaslı anti-terror əməliyyatlarının aparılması üçün Ukrayna Prezidenti Pyotr Poroşenko ölkənin şərq vilayətindəki dinc əhaliyə xüsusi humanitar koridorun yaradılması göstərişini vermişdi. Beləliklə, humanitar koridorun açılması Ukrayna ordusunun separatçılara qarşı amansız müharibəyə hazırlaşdığının təsdiqidir.