"İraq Şam İslam Dövləti" terror qruplaşması Mosul və Kərkükdən çıxarılıb.

Bunu türkmən əsilli keçmiş idman naziri, İraq Türkmən Dərnəyinin rəhbəri Cövdət Nəccar Axar.az-a bildirib.

Onun dediyinə görə, Kürdüstan muxtariyyatının paytaxt Ərbildə vəziyyət normaldır.

C.Nəccar dedi ki, kürd əsgərləri Kərkük və Mosula nəzarət edirlər.

Sabiq nazir qeyd etdi ki, İŞİD-in artıq bu bölgələrdə hücuma keçməsinin mümkün olmadığını deyib:

"İraq coğrafiyasında bir dəyişiklik baş verir. Peşmərgələr artıq Kərkükdəki bütün nöqtələri nəzarətində saxlayır. İŞİD-in Kərkükə girməsi mümkün deyil. Çünki peşmərgələr bölgəni mühafizə edir. Bağdad hökumətinin bu bölgəni qorumaq iqtidarı yoxdur".