Ukraynanın sabiq prezidenti Viktor Yanukoviç yaxın günlərdə Belarusiyadan siyası sığnacaq istəyəcək.

Axar.az xəbər verir ki, bu xəbəri öz Feysbuk səhifəsində əfqanəsilli ukraynalı jurnalist Mustafa Neyyam yazıb. Onun sözlərinə görə, getdikcə Yanukoviç Rusiya Prezidenti Vladimir Putinə etibar etməməyə başlayıb.

Neyyam vurğulayıb ki, məsələ ilə əlaqədar Belarus Prezidenti Aleksandr Lukaşenkoya müraciət edən Yanukoviçin oğlu atasının danışıqlarda bir alətə çevriləcəyindən və valideyninin Putin tərəfindən Kiyevə veriləcəyindən narahatlıq keçirib.

Xatırladaq ki, bir neçə gün bundan öncə Lukaşenko sabiq prezidentin Ukraynaya qayıtmasını vacib bilmişdi. Lukaşenko bununla bərabər, Yanukoviçin Kiyevə qayıtmasının mümkün olmayacağı təqdirdə rəsmi Minskin ona sığınacaq verə biləcəyini də qeyd etmişdi.