ABŞ-ın dövlət katibi Con Kerri İraqdakı vəziyyətlə bağlı İranla əməkdaşlığı istisna etmədiyini söyləyib.

Jurnalistlərin bu yöndə suallarını cavablandıran Kerri "Mən effektli ola biləcək heç nəyi istisna eləmirəm" deyib. O, İraqın bir neçə iri yaşayış məntəqəsini ələ keçirən "İraqın və Şamın İslam Dövləti" (İŞİD) terrorçu təşkilatının təkcə İraqa və regiona deyil, ABŞ və Avropaya da təhlükə yaratdığını bildirib.

Xatırladaq ki, ötən həftə prezident Barak Obama "Amerika qoşunlarını İraqa geri göndərmək fikrində olmağını" bildirsə də, rəsmi Bağdada köməyin ayrı formalarını nəzərdən keçiriləcəyini söyləmişdi. Öz növbəsində İran prezidenti Həsən Ruhani İraqda sülhün bərqərar edilməsi üçün ABŞ-la əməkdaşlığa hazır olduğunu demişdi.

Musavat.com