Ermənistanla Çin arasında silah tədarükü ilə bağlı razılaşma olmayıb.

Axar.az xəbər verir ki, bunu jurnalistlərə açıqlamasında Ermənistanın Müdafiə naziri Vigen Sərkisyan söyləyib.

“Silah almağımızla bağlı danışıqlar mənasızdır. Bu, bir tərəfdən silah əldə etmək imkanlarımızı çətinləşdirir, digər tərəfdən düşmənə sənin gələcək planlarını açıqlayır. Bu isə ona cavab tədbirləri görməyə imkan verir”, – deyə o bildirib.

Qeyd edək ki, Sərkisyanın Çinə səfər zamanı iki ölkə arasında 1,5 milyon dollarlıq yardım müqavilə imzalanmışdı. Bundan sonra Sərkisyan verdiyi açıqlamada Çin silahlarının alınması imkanlarının nəzərdən keçirildiyini bildirmişdi. Sərkisyanın bu açıqlaması Rusiyada birmənalı qarşılanmamışdı. Bundan sonra Rusiyanın “RİA Novosti” agentliyi İrəvanı tənqid edən material dərc etsə də, sonradan bunu saytından çıxarmışdı.