Ermənistan prezidenti Serj Sərkisyan iyunun 18-19-da Gürcüstana rəsmi səfərə gedəcək.

Axar.az erməni mətbuatına istinadən xəbər verir ki, bu barədə Gürcüstan Prezident Administrasiyasından məlumat verilib.

Məlumatda qeyd olunub ki, iyunun 18-də Prezident Sarayında Sərkisyanın rəsmi qarşılanma mərasimi olacaq.

Georgi Marqvelaşvili və Serj Sərkisyanın təkbətək görüşündən sonra prezidentlər mətbuata birgə açıqlama verəcəklər.

Sərkisyanın Gürcüstan parlamentinin sədri David Usupaşvili ilə görüşü də nəzərdə tutulur.