Fələstində üç israilli gəncin itkin düşməsindən sonra Fələstinlə İsrail arasında gərginlik daha da artıb.

Axar.az xəbər verir ki, İsrail ordusu keçən cümə axşamı gecə Yəhuda və Şomron bölgələrindəki məktəblərindən evlərinə qayıdarkən avtobus dayanacağında marşrut gözləyən ikisi 16, biri 19 yaşlı üç Yeşiva tələbəsinin qaçırılmasına görə Həmas rəhbərliyinə fasiləsiz basqınlar təşkil edir.

Dünən də İsrail əsgərlərinin Həmas üzvü olan Fələstin parlament rəhbəri Əziz Duveykinin Qərbi Şəriyədəki evinə təşkil etdikləri əməliyyatla nəzarətə götürüldüyü açıqlanıb.

Xatırladaq ki, 2006-cı ildən Həmasın seçkilərdə qalib gəlməsindən bu yana parlament sədri olduğu bildirilən Duveyk daha əvvəl də İsrail əsgərləri tərəfindən nəzarətə götürülmüşdü. İsrailin Baş naziri Benyamin Netanyahu da gənclərin itməsindən sonra belə demişdi: "Gənclərə görə Həmas cavabdehdir".