Ana səhifə Planet |
"Rusiya Avstraliyaya sanksiyalarla cavab verəcək".
Axar.az xəbər verir ki, bu sözləri Rusiya dövlətinin Mətbuat sözçüsü Dmitri Peskov Avstraliyanın Ukraynadakı hadisələrə görə 50 rusiyalı vətəndaşa və 11 təşkilata maliyyə sanksiyalarının tətbiqi məsələsini şərh edərkən söyləyib.
O, Rusiya vətəndaşlarına qarşı edilən sanksiyaların beynəlxalq formatda təsdiqini tapmasının sual altında olduğunu qeyd edib:
"G-20 çərçivəsində tətbiq ediləcək sanksiyalar Rusiyaya təsir etməyəcək. Bununla bərabər, Avstraliyanın tətbiq etdiyi sanksiyaların Rusiyanın beynəlxalq forumlarda iştirakına necə təsir göstərəcəyi ilə bağlı məsələlər hələ təsdiqini tapmalıdır. Lakin hələlik bu suallara aydınlıq gətirilməyib. Bu məsələlərə görə Rusiya da qarşılıq verəcək".
Qeyd edək ki, Böyük İyirmiliyin sammiti noyabrın 20-də Brisbendə baş tutacaq. Avstraliya hökuməti Rusiyanın bu forumdan xaric edilməsinin mümkünlüyünü inkar etməyib.
Tarix
2014.06.20 / 12:37
|
Müəllif
Ülkər Cəfərova
|