Ukrayna dövlət başçısı Pyotr Poroşenko ilə ABŞ vitse-prezidenti Cozef Bayden arasında telefon danışığı olub.

Axar.az xəbər verir ki, bu barədə prezidentin rəsmi saytında məlumat yerləşdirilib.

Qeyd edək ki, telefon danışığında Poroşenko atəşkəsin dəfələrlə pozulduğunu, həmçinin separatçıların təxribat qruplarının Ukrayna milli qvardiyasının üzvlərinə qarşı hücum etdiyini Baydenin diqqətinə çatırıb. Öz növbəsində Bayden baş verən hadisələri yaxından və diqqətlə izlədiklərini dilə gətirib:

"Biz sizin atəşkəs barədə verdiyiniz qərara necə dəqiqliklə əməl etdiyinizə qibtə edirik. Diqqətinizə çatdırım ki, sizin bu haqq işinizdə dünya sizinlədir".

Xatırladaq ki, atəşkəs elan olunsa da, Ukraynanın şərqində qarşıdurmalar hələ də davam edir.