İraq hökuməti Mosul ərazisində terrorçulara qarşı döyüşən təyyarədən çəkilmiş video yayıb.

Axar.az məlumat verir ki, təyyarədən və güclü silahlardan istifadəyə baxmayaraq, hökumət qoşunları hələ İraq Şam İslam Dövləti ilə savaşda uğur qazana bilməyib.

Son günlərdə onlar Suriya sərhədində əməliyyatları gücləndiriblər, daha əvvəl isə iki ölkəni birləşdirən strateji əhəmiyyətli dəhlizi nəzarət altına ala bilmişdilər.

Bütün bunlara baxmayaraq, İran İŞİD tərəfdarları ilə İraq hökumətinin sülh bağlaması təşəbbüsü ilə çıxış edib.
İslam Respublikasının prezidenti Həsən Ruhani növbəti cümə başlayacaq olan müqəddəs ay - Ramazan münasibəti ilə ölkəyə sülh bağlamağı təklif edib.

"Terroristləri neft dollarları ilə saxlayanlara biz belə deyərik: əmin olun ki, sabah sizin də növbəniz gələcək. Qəddar terroristlər bir gün terrorizmi dəstəkləyənlərə də qənim kəsiləcək".

Öz növbəsində İranın ruhani lideri Xamenei konfliktə Birləşmiş Ştatların müdaxilə cəhdlərini şiddətlə qınayıb.