Cənubi Osetiyanın yeni parlamenti Rusiya Federasiyasının tərkibinə daxil olmaq üçün referendum keçirəcək.

Axar.az xəbər verir ki, bu barədə parlamentin yeni seçilmiş spikeri Anatoli Bibilov İTAR TASS-a açıqlamasında deyib.

"Biz öz şüarlarımızdan imtina etmirik, məsələyə ikili yanaşma da heç vaxt olmayacaq. Məsələ referenduma çıxarılacaq, lakin bununla tam formalaşdırılmış, işlək parlament məşğul olacaq", - deyə Bibilov bildirib.

Bibilov qeyd edib ki, hazırda parlament spikerinin 3 müavini seçilib, həmçinin komitə və komissiyaların formalaşdırılması prosesi gedir.

Qeyd edək ki, Bibilovun başçılıq etdiyi "Vahid Osetiya" Partiyası seçicilərin 46 faiz səsini qazanmışdı. Onun seçki kampaniyası Rusiyaya birləşmək devizi üstündə qurulmuşdu.