Sosial şəbəkələrdə Rusiya hərbi birləşmələrinin Donbas vilayəti istiqamətində ümumi sərhədin metrlərlə ölcüləcək məsafədə qərarlaşdıqlarını əks etdirən video görünütü paylaşılıb.

Axar.az xəbər verir ki, bu olaya Ukrayna mediası geniş yer ayırıb. Ukrayna sakinləri qoşunların bu qədər yaxın məsafədə mövqe tutmasından narahat olduqlarını gizlətməyiblər. Əlavə ediblər ki, hücüm olarsa, müqavimət göstərəcək hər-hansı texniki maneə yoxdur. Sərhəddə hətta tikanlı məftillər belə yoxdur.

Gorüntünün əks olunduğu məkan Donbas vilyətinin Novoazovsk qəsəbəsidir.

Xatırladaq ki, ABŞ və Qərb ultimatum verərək, ordunu geri çəkməyəcəyi təqdirdə Rusiyaya qarşı üçüncü sanksiya dalğasını işə salacaqlarını bəyan ediblər.