Amerika yazıçı Edvard Klayn 2016-cı il prezident seçkisində Demokrat partiyasının namizədi Hillari Klintonun sağlamlığı ilə bağlı problemləri qəsdən gizlətdiyini yazıb.

Axar.az məlumat verir ki, yazıçı Edvard Klayn bu haqda yeni kitabı "Klinton Obamaya qarşı: qan intiqamı"nda bildirib:

"O prezident olmaq şansını itirməmək üçün sağlamlığı haqqında informasiyanı gizli saxlamağın yolunu tapıb. Həkim ABŞ-ın eks-prezidenti Bill Klintona həyat yoldaşını ürək problemlərinə görə yatdığı xəstəxanadan çıxardarkən belə deyib: "Onu həmişə həkim nəzarətində saxlamaq lazımdır".

Qeyd edək ki, "Newsweek" jurnalının beynəlxalq şöbəsində işləyən Amerika yazıçısı Edvard Klayn daha əvvəl Kennedi və Obamanın ailəsi haqqında kitablar yazıb.