ABŞ-ın birinci xanımı Mişel Obama həyat yoldaşı Barak Obamanın səlahiyyət müddəti bitdikdən sonra siyasətlə məşğul olmaq niyyətində olmadığını açıqlayıb.

Axar.az məlumat verir ki, Mişel Obama eks-prezident Bill Klintonun həyat yoldaşı Hillari Klintonun yolunu izləyəcəyi barədə şayiələri təkzib edib:

"Yox, mənim gələcək həyatım siyasətdən aralı olacaq. Tamamilə".

Hal-hazırda xanım Obama sosial layihələrdə çalışır. Xüsusilə də, Amerika məktəbliləri arasında piylənmə ilə mübarizəyə yönəlmiş bir proqram həyata keçirir.

Xatırladaq ki, prezident Barak Obamanın səlahiyyət müddəti 2017-ci ildə bitir.