Əl-Qaidə terror təşkilatından "Qafqaz İslam Əmirliyi"nin mərhum lideri Doku Umarova tərif yağdırılıb.

Axar.az xəbər verir ki, Ərəbistan yarımadasında "Əl-Qaidə"nin nəşr etdirdiyi bir yazıda Qafqazda Rusiyaya qarşı müstəqillik uğrunda mübarizə aparan təşkilatın ən güclü qolu olaraq tanınan "Qafqaz İslam Əmirliyi"nin lideri Umarovun tərifi göylərə qaldırılıb.

"Əl-Qaidə"nin yazısında Umarov və onun tabeliyində olan döyüşçülərin fədakarlığı nümunə göstərilib, cihad məktəbini quraraq islamı dəstəkləmələri, düşmənlərə qarşı savaşaraq zəfər qazandıqları üçün Allaha həmd etdikləri xüsusi vurğulanıb.

Xatırladaq ki, "Əl-Qaidə" tərəfindən "Qafqazdakı mücahidlərin əmiri", "Mücahid Süvari" kimi qələmə verilən Doku Umarov mart ayında rus əsgərlərilə girdiyi qarşıdurmada həyatını itirmişdi.