Tanınmış biznesmen və yazıçı Alfred Kox Ukrayna Prezidenti Pyotr Poroşenkonun 7 günlük atəşkəs elan etməsinin arxasında böyük tələnin durduğunu vurğulayıb.

Axar.az xəbər verir ki, Alfred Kox Feysbuk səhifəsində atəşkəs elan edilən günlər ərzində Ukrayna Milli Ordusunun separatçıları mühasirəyə alacağını bildirib:

"Onda Rusiya belə onların köməyinə gələ bilməyəcək və atəşkəsin başa çatdığı gün - iyunun 27-də Ukrayna ordusu ildırım sürəti ilə hücuma keçəcək".

Kox separatçıların Prezident Vladimir Putinə ümid bəsləməsini əbəs sayıb. O, Rusiyanın müttəfiqlərini həmişə təklikdə qoyduğunu dilə gətirərək, Əfqanıstan və Qroznı uğrunda savaşı buna nümunə göstərib.

Xatırladaq ki, Ukrayna prezidenti iyunun 20-dən 27-ə qədər atəşkəs elan edib.