Məsud Bərzani rəsmi olaraq müstəqillik istədiklərini bəyan edib.

Axar.az xəbər verir ki, İraq Kürd Regional Rəhbərliyinin lideri Məsud Bərzani "CNN International"da sualları cavablandırıb. İŞİD-in İraqdakı əməlləri ilə bağlı danışan Bərzani "Kürdlər öz gələcəklərini müəyyən etmək üçün fürsəti qiymətləndirməlidir", - deyə bildirib.

Bunun ardınca Bərzani rəsmi olaraq müstəqillik istədiklərinə dair fikir səsləndirib:

"İraq açıq-aşkar dağılır və burada federal, mərkəzi hökumət ölkə üzərində idarəsini itirib. Hər şey çökür - ordu, əsgərlər, polis. Ancaq İraqın çökməsinə səbəb biz olmamışıq".

Daha sonra "Artıq kürd xalqı üçün öz gələcəyini müəyyən etmək vaxtı gəlib və biz xalqın qərarının arxasındayıq", - deyən Bərzani referendum siqnalı verib.