Hadisə Başqırdıstanın paytaxtı Ufa şəhərində baş verib.

Axar.az xəbər verir ki, 15 yaşlı Elina 6 ay öncə narkotik istifadə etməyə başlayıb. Bir müddət sonra bacısının narkotikə bağlılığı olduğunu öyrənən böyük qardaş Daniel Qəniyev bundan əsəbiləşib. O, bacısına narkotik satan şəxsi axtarmağa başlayıb. Dostu ilə birgə məhəllələrində narkotik satışı ilə məşğul olduğunu bildiyi Mixail Qolovinin yanına gəlib. Əllərində dəmir çubuq və çaydan olan dostlar narkotik satan şəxsi ölümünə döyüblər. Hadisə anbaan müşahidə kameralarının yaddaşına köçürülüb. Polis döyülən şəxsin evə gedərək təcili yardıma zəng vurmağa imkan tapmadan öldüyünü açıqlayıb.

Hüquq-mühafizə orqanları Daniel Qəniyev və onun dostunu yaxalayaraq olay üzrə cinayət işi açıblar.