ABŞ Mərkəzi Kəşfiyyat İdarəsi Li Harvi Osvaldın ABŞ Prezidenti Con Kennedeni öldürdükdən sonra 1963-cü ildə SSRİ-də gizlənəcəyi ilə bağlı şübhələrə sahib olub.

Axar.az xəbər verir ki, bu barədə informasiya MKİ-nin Kennedenin ölümü ilə bağlı üzərindən məxfilik qrifi götürülmüş yeni sənədlərində yer alıb.

“Təsəvvür edin ki, o, SSRİ-yə dinc yolla getməyi düşünürdü, amma o, həm də prezidentin ölümündən sonra dərhal qaçmaq üçün sənədlərin alınması prosesinin içində də ola bilərdi”, – 1963-cü ilin 24 noyabrına aid sənəddə bildirilib.

1975-ci ilə aid memorandumda Kennedinin qatilinin ABŞ Mərkəzi Kəşfiyyat İdarəsi ilə heç bir əlaqəsi olmadığı vurğulanıb. Memorandumda onun MKİ ilə əlaqələri haqqında şayiələr tamamilə əsassız adlandırılıb. MKİ-nin həmçinin Osvaldın digər ABŞ xüsusi xidmət orqanları ilə də əlaqəsi haqqında heç bir sübut tapmadığı müəyyən olunub.

Qeyd edək ki, Kennedi 1963-cü ilin 22 noyabrında Dallas şəhərində qətlə yetirilib. Onun qatili olan Osvald isə iki gün sonra öldürülüb.