Ermənistan hökuməti Serj Sərkisyanı 60 illiyi münasibətilə necə təbrik edəcəyinə hələ qərar verməyib.

Axar.az xəbər verir ki, bu barədə özəl mənbə "Qraparak" qəzetinə məlumat verib.

Mənbə bildirib ki, Sərkisyan nazirlərə xüsusi təbrikə ehtiyacı olmadığını deyib:

"Önümüzdəki gün şənbə və bazar günləridir. Bazar ertəsi isə onun ad günüdür. Serj 50 yaşında Moskvaya yollanmışdı, lakin o zaman prezident deyildi və bizim qarşımızda onu istənilən halda təbrik etmək məsələsi yox idi. İndiki halda o, xüsusi təbrikə ehtiyac olmadığını bildirib, buna baxmayaraq, Qarabağa getmək istəyənlər mütləq olacaq".