Şimali İraq Kürd bölgəsini və Bağdadı ələ keçirməyi planlaşdıran İŞİD-in sonrakı hədəfləri barədə şok yaradacaq iddialar səsləndirilir.

Axar.az xəbər verir ki, təşkilatın liderləri İraqdan sonrakı hədəflərnin Qüds, Məkkə kimi müqəddəs ziyarət məkanlarının olacaqlarını bildiriblər.

İŞİD hazırda İraqdakı şiə bölgələrinə və Bağdada gözünü dikib və hər ötən gün hədəfinə doğru irəliləyir. Təşkilatın bu irəliləyişi qarşısında qonşu ölkələr gələcəyin özlərinə nə gətirəcəyini maraqla gözləyirlər. Xüsusilə Səudiyyə Ərəbistanı bu məsələdə çox gərgin bir gözlənti içərsindədir.

Xilafət dövləti qurmaq istədiyini açıqlayan İŞİD liderləri hədəflərinin Suriya və İraq ilə məhdudlaşmayacağını açıqlayaraq bütün dünyaya gözdağı verməyə çalışırlar.

Aşağıdakı xəritə təşkilat üzvləri tərəfindən ictimai mediada ən çox paylaşılan şəkillər arasındadır. Xəritədə təşkilat hədəfinə qoyduğu ölkələri qara rənglə boyayıb. Tövhid möhürü yerləşdirib. Xəritədə Afrika və Asiya ölkələrinin bir qismi əhatə edilib.

İraq sərhədləri daxilində irəliləyən İŞİD-in növbəti hədəfi Səudiyyə Ərəbistanı göstərilir.

İŞİD tərəfdarlarının Tvitterdə #ISISOnSaudiBorder haştaqlarından istifadə etməsi isə S. Ərəbistanında narahatlıqlar yaradıb.

Həmin fotoları təqdim edirik: