Ukrayna İxtisaslaşmış Antikorrupsiya Prokurorluğu aralarında Daxili İşlər naziri Arsen Avakovun oğlunun da olduğu dəstə barəsində qərardan apelyasiya şikayəti verib.

Axar.az xəbər verir ki, bu barədə Prokurorluqdan informasiya yayılıb.

“Ukrayna İxtisaslaşmış Antikorrupsiya Prokurorluğu bu il noyabrın 1-də Kiyev şəhərinin Solomenski rayon Məhkəməsinin istintaq hakimlərinin "Bel çantalar"ı iddiası üzrə cinayət prosesində fərdi öhdəliklər şəklindəki önləyici tədbirlər barədə qərarından Kiyev Şəhər Məhkəməsinə apelyasiya şikayəti verib. Prokurorluq tətbiq olunan tədbirləri həddən artıq yüngül hesab edir”, - Prokurorluqdan bildirilib.

Qeyd edək ki, Ukrayna Daxili İşlər naziri Arsen Avakovun oğlu Aleksandr Ukrayna Antikorrupsiya Bürosu tərəfindən Daxili İşlər Nazirliyinin Milli Qvardiyası üçün çantaların alınması zamanı fırıldaqçılığa yol verilməsi iddiası ilə saxlanılmışdı.