Lixtenşteynin müvafiq qurumları Ukraynanın sabiq prezidenti Viktor Yanukoviçə və onun yaxınlarına aid 30 milyon dollar vəsaitin dondurulmasına qərar verərək, çirkli pulların yuyulması maddəsi ilə araşdırma işlərinə başlayıb.

Axar.az xəbər verir ki, Ukrayna hadisələri başladığı gündən, digər ölkələrdə olduğu kimi, Lixtenşteyn də Yanukoviçin çirkli pullarının izinə düşüb. Müəyyən araşdırmalardan sonra bugünlərdə həmin vəsaitlərin izini tapmaq mümkün olub.

Xatırladaq ki, bir müddət öncə Ukrayna Baş naziri Arseni Yaçenyuk ofşor zonalardan Yanukoviçə məxsus 1, 3 miyard dollar vəsaitin aşkarlanması və dondurulmasına nail olduqlarını bildirmişdi.