Türkiyə AŞPA-nın maliyyələşdirilməsi üçün ayırdığı vəsaiti azaldır.

Axar.az xəbər verir ki, bu barədə informasiya Türkiyə Xarici İşlər naziri Mövlud Çavuşoğlunun Avropa Şurasının Baş katibi Torbörn Yaqlanda göndərdiyi məktubda yer alıb. Çavuşoğlu məktubda Türkiyənin artıq AŞPA üçün böyük donor olmaq istəmədiyini bildirib.

Qeyd edək ki, Türkiyə AŞPA-ya ən çox maliyyə yardımı ayıran ölkələr sırasında 6-cı yerdə qərarlaşıb. Ankara 2016-cı ilin yanvarından etibarən Avropa Şurasına 14 milyon avro əvəzinə 33 milyon avro ödəyib.

AŞPA-ya ən çox maliyyə yardımı ayıran ölkələr sırasında ilk beşlikdə Britaniya, Fransa, Almaniya, İtaliya və Rusiya yer alıb. Moskva bir müddət öncə AŞPA-ya ayıracağı maliyyə yardımının üçdə birini kəsəcəyini bəyan edib. Buna səbəb Moskvanın təşkilatdakı səsvermə hüququnun əlindən alınması olub.