Britaniyalı məşhur musiqiçi Elton Con Rusiyada geylərin hüquqlarını müzakirə etmək üçün noyabrda prezident Vladimir Putinlə görüşməyi planlaşdırır.

Axar.az xəbər verir ki, müğənni bu barədə "Sky Nyus" kanalına açıqlamasında deyib.

"Mən Putini görüşəcəm və onunla danışacam. Bilmirəm necə alınacaq, amma cəhd edəcəm", - deyə Elton Con bildirib.

Qeyd edək ki, Rusiyada uşaqlar arasında qeyri-ənənəvi cinsi münasibətlərin təbliğatının qadağan olunması ilə bağlı qanun ötən ilin iyununda qüvvəyə minmişdi. Qanunu pozan şəxsi 1 milyon rubl cərimə gözləyir.