Tələblərin Hillari Klintona etdiyi müraciət cavabsız qalıb.

Axar.az xəbər verir ki, ABŞ-ın keçmiş Dövlət katibi Hillari Klintonun başına maraqlı əhvalat gəlib.

Ötən həftənin sonunda xanım siyasətçi ABŞ-ın Nevada Ştatında yerləşən universitetlərdən birində mühazirə deyib. Rəsmi məlumatlara görə, bu mühazirə üçün ona 225 min ABŞ dollar ödənilməliymiş.

Mühazirənin sonunda isə tələbələr H. Klintona alacağı qonorarı universitetə bağışlamasını xahiş ediblər. Tələbələr bunu universitetin bəzi vacib xərcləri ilə izah ediblər.

Olayın ən maraqlı nüansı isə budur ki, xanım siyasətçi tələbələrin bu təklifinə heç bir cavab verməyərək universiteti tərk edib.