Ukrayna hüquq-mühafizə orqanlarının jurnalistlər və mülki vətəndaşlar olan avtobusa atəş açması nəticəsində "Birinci kanal"ın operatoru Anatoliya Klyana aldığı güllə yarasından vəfat edib.

Axar.az xəbər verir ki, hadisə Donetskdə yerləşən hərbi hissələrdən birinin yaxınlığında baş verib. Donetsk Xalq Respublikasının mətbuat xidməti hərbi hissəyə media turu təşkil edib. Hadisə yerində jurnalistlərlə birlikdə əsgər övladlarını evə dönməyə çağıran valideynlər də olub. Ukraynalı əsgərlər görüş zamanı onlara atəş açıb. Avtobusa çatmağı bacaran qrup güllələrdən yayına bilib. Hadisə yerindən 500 metr uzaqlaşdıqdan sonra avtobusa atəş açılmağa başlanıb və "Birinci kanal"ın operatoru Anatoliya Klyana mədəsindən ölümcül yaralanıb. Avtobusda ona ilk yardım edilməsinə baxmayaraq, yoldan keçən bir maşınla yaxınlıqdakı xəstəxanaya aparılarkən keçinib.

Öldürülən Anatoliya Klyananın 68 yaşı vardı.