Mən Qazaxıstandakı qoca diktatordan üzr istəməyəcəyəm.

Axar.az xəbər verir ki, bunu Qırğızıstan parlamentində çıxışı zamanı Prezident Almazbek Atambayev söyləyib.

“Biz heç vaxt Avrasiya İttifaqından getməyəcəyik. Hazırkı zamanda Qırğızıstan faktiki olaraq Avrasiya İttifaqının digər dövlətlərindən kənarda qalıb. Bizim sadəcə Avrasiya İttifaqı ilə əlaqəmizi kəsiblər. Məni Avrasiya İttifaqı liderlərinin və Tiqran Sərkisyanın yaranmış vəziyyətə biganəliyi heyran edir. Məhz Sərkisyan əlində telefon hər tərəfə qaçmalı idi, amma indiki vəziyyət onun vecinə də deyil. Çoxları istəyir ki, Atambayev varlı qonşusunun ayaqlarına düşsün. Mən nəyə görə üzr istəməliyəm? Atambayev ölkənin daxili işlərinə müdaxilə edəndən üzr istəməməlidir. Bütün diktatorlar və prezidentlər əvvəl-axır gedəcəklər, xalqlar isə qalacaqlar. Qonşular bir-biriylə dost olmalıdırlar”, – deyə o bildirib.