“Moskva-siti” kompleksi yaxınlığında atışma baş verib.

Axar.az RİA-ya istinadla xəbər verir ki, atışma nəticəsində 6 nəfər yaralanıb. Polis insidentin iştirakçısı, “Maybaç” avtomobili ilə aradan çıxmağı bacaran şəxsləri axtarır.

Hüquq-mühafizə orqanlarından verilən məlumatda qeyd edilir ki, kütləvi davada travmatik silahdan istifadə edilib. Şahidlər isə atışmadan sonra polisin 3 maşınla – “Maybaç”, “Toyota Lənd Kruzer” və “Leksus” - bağlı axtarış elan etdiyini açıqlayıb.

Rəsmi məlumatda 4 nəfərin xəstəxanaya yerləşdirildiyi, iki nəfərə isə yerində yardım edildiyi bildirilib. Konfliktin maşınların park edilməsi üstündə baş verdiyi iddia edilir.