Ana səhifə Planet |
Almaniyanın Düsseldorf Hava Limanında Türkiyədən gələn sərnişinlərin yüklərinin polis itləri ilə yoxlanılması yük sahiblərini narahat edib.
Axar.az xəbər verir ki, bu barədə Türkiyənin Sputnik agentliyi yazıb. Məlumata görə, hava limanında bir sərnişin tərəfindən lentə alınan görüntülərdən sonra sosial şəbəkədə əhali Almaniyaya qarşı etiraz edib.
Türkiyə millət vəkili Mustafa Yenəroğlu, “nə qonaqlar, nə də vətəndaşlar qarşılanar. Bu zorakılıq Almaniya üçün utandırıcıdır və dərhal ləğv edilməlidir. Türkiyə-Almaniya münasibətləri bu gedişlə normala dönməyəcək. Bu tədbirlər güvən yaratmadığı kimi güvənsizliyi də əmələ gətirir" deyə qeyd edib.
Qeyd edək ki, Türkiyədən gələn sərnişinlərin polis itləri ilə yoxlanması bir müddət əvvəl Münhen hava limanında da qeydə alınmışdı. Türkiyə də öz növbəsində buna qarşılıq olaraq, Almaniyadan gələn sərnişinləri eyni qayda ilə yoxlamışdı.
Tarix
2017.12.17 / 02:35
|
Müəllif
Nərmin Əkbərli
|