Ana səhifə Planet |
Ukraynanın şərqində Donetsk vilayətində gərginlik səngimək bilmir.
Axar.az xəbər verir ki, Ukraynanın atəşkəsi təxirə salmaq təklifini rədd etdikdən sonra separatçılar daha fəal əməliyyatlara başlayıb.
Ukrayna ordusu son bir həftə ərzində separatçıların nəzarətində olan altı şəhəri ələ keçirtsə də, Luqansk və Donetskdə vəziyyət ağır olaraq qalır.
Verilən məlumatlara görə, Ukrayna ordu birləşmələrinin Luqanskda separatçılara qarşı ağır çaplı silahlardan istifadə etdiyi, Donetsk şəhərini mühasirəyə aldığı bildirilir.
Şəhərin dörd əsas çıxışına nəzarət edən ordu birləşmələrinin bir
neçə gün ərzində şəhərə girməsi gözlənilir.
Yerli şahidlərin dediklərinə görə, Donetsk şəhərinin mərkəzindən
Luqanska gedən quru yolunun isə Ukrayna ordusu tərəfindən
separatçıların şəhəri tərk etməsinə imkan yaratmaq məqsədi ilə
dəhliz saxlanıldığı iddia edir. Hazırda 6 mindən çox ordu
birləşmələri şəhəri mühasirədə saxlayır.
Separatçılar arasında fikir ayrılığı yaranıb
Ukrayna mətbuatının verdiyi xəbərlərə görə, Ukrayna ordusunun Slavyansk, Kramatorsk, Drujkovka, Konstantinovka və Artemivskanı azad etdikdən sonra bu bölgələrdən Donetskin mərkəzinə çəkilən separatçı qruplarla Donetsk separatçıları arasında fikir ayrılığı yaranıb.
Silahlı qrupların bir-birindən rabitəsiz və müstəqil hərəkət etməsi, vahid rəhbərliyin olmaması səbəbindən aralarında parçalanma müşahidə olduğu bildirilir.
Xatırladaq ki, dünən Ukrayna prezidenti Pyotr Poroşenkonun Slavyanska etdiyi səfərdən sonra bölgədə canlanma müşahidə olunub. İctimaiyyət nümayəndələri ilə görüşən Poroşenko ölkənin şərqini qısa vaxtda separatçıladan təmizləyəcəyini deyib.
Tarix
2014.07.10 / 18:21
|
Müəllif
Şəmsəddin Ənsar
|