Venesuelanın prezidenti Nikolas Maduro bir daha çıxışında səhvə yol verib. Maduro bildirib ki, ölkənin ticarət sistemində çətin vəziyyət olduğu üçün qiymətlər üzərində nəzarət haqda qanun imzalanıb.

"Demək istəyirəm ki, xırda və orta ticarətçilər bizim kimi oğurluq və öz xeyrinə işləyən kapitalistlərin qurbanı olur. Çünki onları ticarət mərkəzlərində sıxışdırıb istismar edirlər"-deyə Maduro bildirib.

Hər kəsə Maduronun nə demək istədiyi aydın olsa da ki, əslində ölkə də xırda ticarətçilər kimi qurbandır, qurduğu cümlə tam əks məna verdiyindən onun çıxışı sosial şəbəkələrdə müzakirə və lağa səbəb olub.

Bu Maduronun çıxışında buraxdığı ilk səhv deyil.