Rusiyanın Nijni Novqorod şəhərində 2018-ci ilin mart ayında keçiriləcək prezident seçkiləri zamanı terakt törətməyə hazırlaşan İŞİD üzvü zərərsizləşdirilib.

Axar.az xəbər verir ki, bu barədə FTX-nin İctimaiyyətlə Əlaqələr Mərkəzindən informasiya yayılıb.

İŞİD üzvü təhlükəsizlik orqanlarına silahlı müqavimət göstərməyə çalışarkən öldürülüb. Terrorçunun qonşu ölkələrdən birinin vətəndaşı olduğu bildirilib. Əməliyyat nəticəsində güclü partlayış qüvvəsinə malik partladıcı qurğu, daha bir neçə bombanın hazırlanması üçün istifadə edilə biləcək komponentlər, odlu silah və döyüş sursatı ələ keçirilib.

Faktla bağlı İŞİD terror qruplaşması üzvlüyü və terakt hazırlamaq ittihamları ilə cinayət işi açılıb.