Türkiyənin Diyarbəkir vilayətinin Liçe mahalında aparılan əməliyyatlar nəticəsində təhlükəsizlik qüvvələri tərəfindən 4 PKK-çı məhv edilib.

Axar.az xəbər verir ki, öldürülən terrorçulardan birinin “Mavi siyahı”da adı çəkilən, təşkilatın rəhbərlərindən olan Murad Üçər olduğu bildirilib.

Belə ki, Dərnək məhəlləsində yerləri müəyyən edilən “Eylül” kod adlı Üçər və digər 3 terrorçu avtomobillə qaçmağa başlayıb. “Dayan” əmrinə tabe olmayan terrorçular hərbçilərə atəş açıb, yaranan qarşıdurma nəticəsində onlardan 4-ü də məhv edilib.

Qeyd edək ki, "Mavi siyahı"da xüsusi təhlükəli terrorçuların adları yer alır.