“Kreml hesabatı”nın bir hissəsi ABŞ Dövlət katibi Reks Tillersonun qərarı ilə gizli saxlanılıb.

Axar.az xəbər verir ki, bunu “Apostrof” saytına müsahibəsində rusiyalı politoloq Andrey Piontkovski söyləyib.

“Mənə bəlli olan odur ki, Tillerson son anda bu insanların maliyyə cinayətlərinin gizli saxlanılması haqqında qərar qəbul edib. Siyahını gülməli etməkdən ötrü isə Tillerson onu genişləndirib və hətta bura Rusiya arxivinin rəhbərinin adını da daxil edib. Dövlət katibi bununla “Kreml hesabatı”na yüngül zərbə endirib və müvəqqəti olaraq məlumatları gizli saxlada bilib. Amerika hərbi-siyasi rəhbərliyi artıq Rusiya ilə bağlı qərar verib, kompromis olmayacaq”, – deyə o bildirib.