Rəsmi Ankara kəşfiyatçıların və PUA-ların ötürdüyü məlumatlar əsasında hədəf siyahılarını hər gün yeniləyir, Afrinin mərkəzində keçiriləcək əməliyyata xüsusi hazırlıqlar aparır.

Axar.az xəbər verir ki, türk ordusu Afrinin mərkəzində keçiriləcək əməliyyatlar zamanı həmçinin mülki insanların zərər görməməsi üçün “Sivil keçid koridoru” yaratmağa çalışır.

Məlumata görə, türk ordusu ərazinin xüsusi texnologiyalarla kəşfiyyat materialları əsasında hazırlanan üçölçülü görüntüləri ilə əməliyyata hazırlaşır. PKK ilə xəndək döyüşlərində yüksək təcrübə toplamış “Bordo bereli”lər və xüsusi təyinatlı dəstələr ərazinin üçölçülü təsvirlərini ən xırda detallarına qədər təhlil edib, şəhər mərkəzini küçə-küçə əzbərləyirlər. Görüntülərlə terror qruplaşmasının hansı ərazilərə tələlər qura biləcəyi, hansı ərazilərdə mövqe tutacağı ehtimalları da nəzərdən keçirilir.