İraqın Planlaşdırma naziri Salman Əli Cümeyli ölkəsinin yenidən inşası üçün türk mühəndislərini dəvət edib.

Axar.az xəbər verir ki, bu barədə nazir Türkiyənin İqtisadiyyat naziri Nihad Zeybəkçi və Ticarət naziri Bülənt Tüfəkçi ilə görüşü zamanı danışıb.

“İraq son dövrlərdə İŞİD bəlasından yaxa qurtarıb. Son zamanlar təhlükəsizlik qayğıları olduqca aşağı düşüb. Ölkəmiz hazırda yenidən inşa mərhələsini başladıb. İŞİD terror təşkilatının ölkəyə vurduğu zərərin 100 milyard dollara yaxın olduğunu söyləyə bilərik. Ən böyük zərər infrastrukturumuza dəyib. Bu problemin həlli bizim üçün çox vacibdir. Bizim istəyimiz türk şirkətlərinin İraqın yenidən inşası prosesinə qoşulmasıdır”, - nazir bildirib.