Türkiyə Xarici İşlər Nazirliyi Yunanıstan məhkəməsinin DHKP-çi Memet Doğan barədə qərarını sərt şəkildə qınayıb.

Axar.az-ın məlumatına görə, XİN-in bəyanatında bildirilib ki, Doğanın ekstradisiyası ilə bağlı rəsmi Ankaranın tələbinin rədd edilməsi BMT-nin prinsipləri ilə ziddiyyət təşkil edir.

“Yunan məhkəmələrinin terrorçuları dəstəkləməsinə dair daha bir örnəyin şahidi olduq. Bu qərar terrorizmlə mübarizə qanunlarına zidd olduğu kimi, normal qonşuluq münasibətlərinə də yaraşmır. Bundan sonrakı proseslərdə yunan məhkəməsinin ədalətli, hüquqla uzlaşan, siyasi basqılardan uzaq qərar verməsini gözləyirik”, - açıqlamada bildirilib.

Qeyd edək ki, Afinada keçirilən əməliyyatlar nəticəsində terrorizm fəaliyyətində şübhəli bilinən Memet Doğan yaxalanmışdı.